ಆನಂದ- ಅಚ್ಚರಿ

ಅದೋ ಅಲ್ನೋಡಿ ಅದೇ ನನ್ನೂರು! ಸಹ್ಯಾದ್ರಿಯ ಮಡಿಲಲ್ಲಿ, ಮಲಪ್ರಭೆಯ ಬದಿಯಲ್ಲಿ||ಪ|| ಆಹಾ ಜಂಬೂ ನೇರಳೆ ಹುಳಿ-ಸಿಹಿಯ ಕವಳೆ ಹುಳಿ-ಒಗರಿನ ನೆಲ್ಲಿ ಮಾವು, ಹಲಸು, ಪೇರಲ, ಅಲ್ಲಲ್ಲಿ||೧|| ಕನ್ನಡ ಕೋಗಿಲೆಯ ಕಲರವ ಹುಲಿಯ ಘರ್ಜನೆ ಆನೆಯ ಓಂಕಾರ ಮಣ್ಣ ಕಣ ಕಣದಲ್ಲೂ ನಿಸರ್ಗ ಝೇಂಕಾರ||೨|| ಮುಂಜಾನೆಯ ಇಬ್ಬನಿ ನಡು ಹಗಲಿನ ಸುಳಿಗಾಳಿ ಇಳಿಸಂಜೆಯ ಗೋಧೂಳಿ ಸುಂದರ ಕಾಡ ಹೂಗಳ ಓಕುಳಿ||೩|| ಹಿತ ಹವೆಯ ಬೇಸಿಗೆ ಧಾರಾಕಾರ ಮಳೆಗಾಲ ಥರಗುಟ್ಟಿಸುವ ಚಳಿಗಾಲ ಸಕಲ ಜೀವಾತ್ಮರಿಗೂ ಉಳಿಗಾಲ||೪|| (ಈ ಸಲದ ಕನ್ನಡ ರಾಜ್ಯೋತ್ಸವಕ್ಕೆ ಅರ್ಪಣೆ)